ជីប ម៉ុង បញ្ចុះបឋមសិលាសាងសង់អគារពាណិជ្ជកម្មចម្រុះអន្តរជាតិកំពស់៤៥ជាន់ 

ក្រុមហ៊ុន​ រ៉ូយ៉ាល់ ហ្វៀល​ ឌីវេឡុបម៉ិន ដែល​​ជាក្រុមហ៊ុនបុត្រសម្ព័ន្ធ​របស់ ក្រុមហ៊ុន ជីប ម៉ុង បានបញ្ចុះបឋមសិលាបុកគ្រឹះសាងសង់អគារពាណិជ្ជកម្មចម្រុះអន្តរជាតិ     កំពស់៤៥ជាន់ កាលពីថ្ងៃទី១៤ ខែមករា ឆ្នាំ២០១៩។ គម្រោងអគារពាណិជ្ជកម្មចម្រុះនេះមានទីតាំងស្ថិតតាមបណ្តោយផ្លួវ​មហាវិថី​សហព័ន្ធ​រុស្សី ជិត​ស្ពាន​អាកាស​ ៥ មករា ដែលគ្រោងនឹងបើកដំណើរការក្នុងឆ្នាំ២០២២។

ស្ថិតក្នុងអគារពាណិជ្ជកម្មចម្រុះអន្តរជាតិនេះនឹងមាន សណ្ឋាគារ ហ្វ៊ែរហ្វៀល បាយ ម៉ារៀត ភ្នំពេញ អគារការិយាល័យទំនើប រោងភាពយន្តខ្នាតធំ ស្កាយបារ និងជាពិសេសផ្សារទំនើបកម្ពស់៥ជាន់ រួមជាមួយនឹងទីតាំងចតយានជំនិះធំទូលាយផងដែរ។