ឆ្នាំ២០២០ជាឆ្នាំពង្រីកខ្លួនយ៉ាងលឿនរបស់ក្រុមហ៊ុន ជីប ម៉ុង រីថែល 

ក្រុមហ៊ុន ជីប ម៉ុង រីថេល កំពុង​បោះ​ជំហាន​យ៉ាង​លឿន​ក្នុងវិស័យ​ផ្សារ​ទំនើប​ ក្នុង​ឆ្នាំ​២០២០​នេះ ដោយ​គ្រោង​​​​ពង្រីក​​សាខា​ផ្សារ​ទំនើប ជីប ម៉ុង ចំនួន​បីទី​តាំង​ និង ជីប ម៉ុង Express ចំនួន១០​ទីតាំង​បន្ថែម​ទៀត ​ក្នុង​រាជធានី​ភ្នំពេញ។

ការពង្រីកខ្លួនយ៉ាងលឿនរបស់ផ្សារទំនើប ជីប ម៉ុង គឺ​ដើម្បី​ឆ្លើយ​តប​ទៅ​នឹង​​តម្រូវ​ការ​ ទំនិញ​​លក់​​រាយ ដែល​​កំពុង​​កើនឡើងខ្ពស់​ ដោយសារ​ប្រជាពលរដ្ឋ​ក្នុង​រាជ​ធានី​ភ្នំពេញ​កំពុង​ផ្លាស់​ប្ដូរ​ឥរិយាបថ​​នៃការទិញទំនិញ​តាម​​ផ្សារបែប​ប្រពៃណី​ មក​កាន់​​ផ្សារទំនើប​​វិញ។

រហូតមកដល់បច្ចុប្បន្ន ក្រុមហ៊ុន ជីប ម៉ុង រីថេល កំពុងប្រតិបត្តិការផ្សារទំនើបចំនួនបី រួម​មាន​ផ្សារទំនើប ជីប ម៉ុង ព្រះមុនីវង្ស ផ្សារទំនើប ជីប ម៉ុង អ៊ីដិនហ្គាដិន ផ្សារទំនើប ជីប ម៉ុង ណូរ៉ូ ម៉ល និង​ ជីប ម៉ុង​ Express ចំនួនបីទីតាំងដែរ៕