Subscribe Now

Trending News

Blog Post

សណ្ឋាគារ ហៃយ៉ាត់ រីជិនស៊ី ភ្នំពេញ សម្ពោធជាផ្លូវការ ក្រោមអធិបតីភាពសម្ដេចតេជោ ហ៊ុន សែន
News

សណ្ឋាគារ ហៃយ៉ាត់ រីជិនស៊ី ភ្នំពេញ សម្ពោធជាផ្លូវការ ក្រោមអធិបតីភាពសម្ដេចតេជោ ហ៊ុន សែន 

សណ្ឋា​គារ​​ផ្កាយ​ប្រាំ​ ហៃយ៉ាត់ រីជីនស៊ី ភ្នំពេញ នៅ​​ព្រឹក​ថ្ងៃទី​១៥ ខែធ្នូ ឆ្នាំ២០២១នេះ បាន​​បើក​សម្ពោធជា​ផ្លូវការ​ ក្រោមអធិបតីភាពដ៏ខ្ពង់ខ្ពស់​របស់​សម្ដេចអគ្គមហាសេនា​បតីតេជោ ហ៊ុន សែន នាយក​រដ្ឋមន្ដ្រី​នៃ​ព្រះរាជា​ណាចក្រ​កម្ពុជា​។

យោង​​តាម​​ក្រុមហ៊ុន ជីប ម៉ុង ​សណ្ឋាគារ​ ហៃយ៉ាត់ រីជីនស៊ី ភ្នំពេញ គឺជា​សមិទ្ធផល​ប្រវត្តិ​សាស្ត្រ​មួយរបស់​​​ក្រុមហ៊ុន​ ហើយ​ក៏​ជាមោទកភាព​មួយ ​ដែល​បាននាំ​យក​សណ្ឋាគារ​លំដាប់ពិភពលោកនេះ​មក​កម្ពុជា។ សណ្ឋាគារ​នេះ​​​​កំពុងបម្រើ​លើ​​​វិស័យ​សណ្ឋាគារ និង​បដិសណ្ឋារកិច្ច​ និង​ចូលរួម​​ធ្វើ​ឲ្យកម្ពុជាក្លាយជាគោលដៅទេសចរណ៍ប្រកបដោយភាពទាក់ទាញលើឆាកអន្តរជាតិ ដែល​ចូលរួមចំណែក​យ៉ាង​សកម្ម​ដល់​​​វិស័យ​​ទេសចរណ៍ និង​ជំរុញ​សេដ្ឋកិច្ច​ជាតិ។

សណ្ឋាគារ ហៃយ៉ាត់ រីជិនស៊ី ភ្នំពេញ ដែលវិនិយោគប្រមាណ១៨០លានដុល្លារសហរដ្ឋអាមេរិក ស្ថិតនៅចំកណ្តាលបេះដូងនៃរាជធានីភ្នំពេញ។ សណ្ឋាគារ​នេះ​​មាន​បន្ទប់ស្នាក់នៅ២៤៧បន្ទប់ ភោជនីយដ្ឋាន ហាងកាហ្វេ ស្កាយបា អាងហែលទឹក ស្ប៉ា​ និងរង្គសាលក្រោមដីប្រណិត ជាពិសេសវីឡាសម័យអាណានិគមបារាំង ដែលត្រូវបានអភិរក្សយ៉ាងល្អឥត​ខ្ចោះ។

សណ្ឋាគារ ហៃយ៉ាត់ រីជីនស៊ី ភ្នំពេញ កំពុងបើកទ្វារ​ស្វាគមន៍​ភ្ញៀវទេសចរ​ជាតិ​ និង​អន្តរជាតិ ព្រម​ទាំង​ វិនិយោគិន​មក​ទទួល​​យក​បទពិសោធន៏​នៃ​​សណ្ឋាគារ​ និងបដិសណ្ឋារកិច្ច​​ដ៏​​ប្រណីត​នេះ៕

default
HRPP3
HRPP4
HRPP5
HRPP6
HRPP7
20211215-20211215-DSC_1430
HRPP8
HRPP9