ផ្សារទំនើប ជីប ម៉ុង សែនសុខ ម៉ល បានបើកដំណើរហើយ 

ផ្សារទំនើប ជីប ម៉ុង សែនសុខ ម៉ល ដែលប្រមូលផ្តុំដោយហាងល្បីៗជាច្រើន បានបើកដំណើរការចាប់ពីថ្ងៃទី១៩ ខែមករា ឆ្នាំ២០២២នេះតទៅហើយ ដើម្បីបម្រើសេចក្ដីត្រូវការជូនអតិថិជនពីគ្រប់ទិសទី។

ផ្សារទំនើប ជីប ម៉ុង សែនសុខ ម៉ល ដែលស្ថិតនៅតាមបណ្ដោយផ្លូវឧកញ៉ា ម៉ុង ឫទ្ធី ក្នុងខណ្ឌសែនសុខ រាជធានីភ្នំពេញ មានហាងលក់សម្លៀកបំពាក់ ហាងលក់គ្រឿងអេឡិចត្រូនិច ភោជនីយដ្ឋាន ហាងកាហ្វេ រោងភាពយន្ត មជ្ឈមណ្ឌលកម្សាន្ត doozii ធនាគារ ហាងថែរក្សាភ្នែក ហាងលក់ផលិតផលថែរក្សាសម្រស់ ផ្សារ ជីប ម៉ុង Supermarket និងហាងលក់ទំនិញដ៏សម្បូរបែបជាច្រើនទៀត ដែលសុទ្ធសឹងជាយីហោល្បីៗ។

ផ្សារទំនើប ជីប ម៉ុង សែនសុខ ម៉ល ត្រូវបានរចនាដ៏ទំនើបស៊ីវិល័យ ដើម្បីបម្រើដល់ការដើរទិញទំនិញ និងកម្សាន្តរបស់អតិថិជនប្រកបដោយផាសុខភាព ព្រមទាំងអស់កង្វល់ពី ចំណតយានជំនិះ៕