ផាកលែន ខុនដូ ធីខេ បញ្ចប់ការសាងសង់គ្រោងអគារដល់ជាន់កំពូល 

គម្រោង ផាកលែន ខុនដូ ធីខេ របស់ក្រុនហ៊ុន ជីប ម៉ុង លែន បានបញ្ចប់ការសាងសង់គ្រោងអគារ ខុនដូរ របស់ខ្លួនដល់ជាន់កំពូលដោយជោគជ័យ នៅថ្ងៃទី២៧ ខែសីហា ឆ្នាំ២០២១នេះ និងរំពឹងថា បញ្ចប់ការសាងសង់ទាំងស្រុង ហើយអនុញ្ញាតឲ្យអតិថិជនចូលស្នាក់នៅបាននៅពាក់កណ្តាលឆ្នាំ២០២២។

លោកឧកញ៉ា លាង ហួង (ហេនរី) អគ្គនាយកក្រុមហ៊ុន ជីប ម៉ុង លែន បានថ្លែងថា «ក្រុមហ៊ុន ជីប ម៉ុង លែន នៅតែរក្សាជំហរយ៉ាងមុតមាំ ដើម្បីសម្រេចបានគោលដៅ ដែលបានគ្រោងទុក ទោះស្ថិតក្នុងកាលៈទេសៈណាក៏ដោយ»។

គម្រោង ផាកលែន ខុនដូ ធីខេ របស់ ជីប ម៉ុង លែន ត្រូវបានវិនិយោគលើបច្ចេកវិទ្យាសាងសង់ថ្មីៗ បច្ចេកទេសសាងសង់ទំនើបៗ សម្ភារៈសំណង់ដែលមានគុណភាពខ្ពស់ ដើម្បីសាងសង់អគារខុនដូ ប្រកបដោយគុណភាពខ្ពស់ រឹងមាំយូរអង្វែង ជូនដល់អតិថិជន៕