ជីប ម៉ុង លែន បើកលក់គម្រោង ផាក លែន ៦A ដ៏អស្ចារ្យជាផ្លូវការ 

ជីប ម៉ុង លែន បាន​ប្រកាស​បើក​លក់​គម្រោង​ ផាក លែន ៦A ដ៏​ធំ​របស់​ខ្លួន​នៅ​តំបន់​ជ្រោយ​ចង្វារ​​ជា​​ផ្លូវការ​​ ចាប់​ពីថ្ងៃ​ទី២២ ខែ​​មករា​ ឆ្នាំ២០២១ ដោយផ្តល់ជូនម៉ូតផ្ទះរហូតដល់ទៅ១០ប្រ​ភេទ ដើម្បីបំពេញគ្រប់​តម្រូវការរបស់​អតិថិជន។

លោកឧកញ៉ា លាង ហួង (ហេនរី) អគ្គនាយកក្រុមហ៊ុន ជីប ម៉ុង លែន​ មានប្រសាសន៍ថា ​គម្រោង ​ផាក លែន ៦A ត្រូវបានអភិវឌ្ឍប្រកបដោយចក្ខុវិស័យ​វែង​ឆ្ងាយ និងយុទ្ធសាស្ត្រ​ច្បាស់លាស់​ ដោយ​មាន​គោលដៅមួយរួមចំណែក​​ក្នុងការ​អភិវឌ្ឍ​តំបន់​ជ្រោយ​ចង្វារ​​នេះ ឲ្យក្លាយជាតំបន់រស់​នៅ​ប្រកប​​ដោយ​​ភាព​ស៊ីវិល័យ​ ផាសុកភាព​ និងមាន​អ្វីៗ​គ្រប់​បែបយ៉ាង៕