Subscribe Now

Trending News

Blog Post

ជីប ម៉ុង បានបញ្ជាទិញឧទ្ធម្ភាគចក្រ Bell 429 ដំបូងគេនៅកម្ពុជា
News

ជីប ម៉ុង បានបញ្ជាទិញឧទ្ធម្ភាគចក្រ Bell 429 ដំបូងគេនៅកម្ពុជា 

ក្រុមហ៊ុន​​ ជីប ម៉ុង​ បាន​​បញ្ជា​ទិញឧទ្ធម្ភាគចក្រ​ម៉ូដែល​ Bell 429 ពី​ Textron Inc. ដែលជាក្រុម​ហ៊ុន​​ផលិត​ឧទ្ធម្ភាគចក្រ​ដ៏ធំមួយ មាន​មូលដ្ឋាន​នៅ​សហរដ្ឋ​អាមេរិក។

អ្នកឧកញ៉ា​ លាង ម៉េង​ ប្រធាន​ក្រុម​អគ្គនាយក​ក្រុមហ៊ុន​ ជីប ម៉ុង មាន​ប្រសាសន៍ថា៖ «ការ​​ទិញ​​​ឧទ្ធម្ភាគ​ចក្រ​ Bell 429 ដ៏​ទំនើប​នេះ បញ្ជាក់​ពី​ទំនុក​ចិត្ត​​របស់​ក្រុមហ៊ុន​ ជីប ម៉ុង ​លើ​​ឧទ្ធម្ភាគចក្រ​ម៉ាក​ Bell ដែល​​​អាច​ជួយ​ជំរុញ​​​​​ពាណិជ្ជកម្ម​​​ក្រុមហ៊ុន​​ឲ្យ​កាន់​តែ​​រីក​ចម្រើន។ ឧទ្ធម្ភាគចក្រម៉ូដែល​ Bell 429 រួម​នឹង​ឧទ្ធម្ភាគ​ចក្រ​ម៉ូដែល Bell 505s ដែល​យើង​មាន​ស្រាប់​ នឹង​បម្រើតម្រូវការនៃពាណិជ្ជកម្មជីប ម៉ុងដែលកំពុងរីកលូតលាស់ទៅមុខឥតឈប់ឈរ »។

អ្នក​ឧកញ៉ា លាង ម៉េង បាន​បន្ថែម​ទៀត​ថា នេះ​ក៏​ជា​កិច្ច​ខិតខំប្រឹងប្រែង​មួយក្នុង​ការរួម​ចំណែក​អភិវឌ្ឍ សេដ្ឋកិច្ច​​ស្រប​តាម​គោល​នយោបាយ​ណែនាំ​ និង​កិច្ច​ខិតខំប្រឹងប្រែង​របស់​រាជរដ្ឋាភិបាល​ផង​​ដែរ។​

កន្លងមក ជីប ម៉ុង​ ធ្លាប់បាន​បញ្ជាទិញឧទ្ធម្ភាគចក្រ​ចំនួនពីរគ្រឿងរួចមក​ហើយ ​គឺ​ឧទ្ធម្ភាគចក្រម៉ូដែល​ Bell  UX-505  និងម៉ូដែល​ Bell UX-506​ ​សម្រាប់​បម្រើ​​​ដល់​ពាណិជ្ជកម្ម​របស់ខ្លួន​៕