ជីប ម៉ុង ទទួលពានរង្វាន់ឆ្នើមផ្នែកទំនួលខុសត្រូវសង្គម ពី EuroCham 

ជីប ម៉ុង បានទទួលពានរង្វាន់ឆ្នើមផ្នែកទំនួលខុសត្រូវសង្គម «CSR Business Award» ពីកម្មវិធី EuroCham CSR 2021 សម្រាប់សកម្មភាពទំនួលខុសត្រូវសង្គម ក្នុងនាមជាក្រុមហ៊ុនក្នុងស្រុកមួយដែលតែងលើកកម្ពស់សហគមន៍ បរិស្ថាន និងសេដ្ឋកិច្ច តាមរយៈប្រតិបត្តិការអាជីវកម្មប្រកបដោយនិរន្តរភាព។

ពានរង្វាន់ «CSR Business Award» នៃសភាពាណិជ្ជកម្មនេះ ត្រូវបានវាយតម្លៃយ៉ាងសុក្រឹត្យ ដោយគោរពតាមលក្ខខណ្ឌដែលផ្ដោតលើសកម្មភាពអាជីវកម្ម យុទ្ធសាស្រ្តគ្រប់គ្រង និង​វិធីសាស្រ្ត​ក្នុង​ការគ្រប់គ្រងអភិវឌ្ឍន៍ធនធានមនុស្ស និងទំនាក់ទំនងជាមួយអតិថិជន​ ដៃគូ​អាជីវកម្មនិងភាគីពាក់ព័ន្ធនានា ដែលគិតគូរ និង​លើក​កម្ពស់​សង្គម​ សហគមន៍ និងបរិស្ថាននៅប្រទេសកម្ពុជា៕