ជីប ម៉ុង ថៅវើ បញ្ចប់ការសាងសង់គ្រោងអគារ 

គម្រោងវិនិយោគ ២៣០ លានដុល្លារ ជីប ម៉ុង ថៅវើ បានប្រារព្ធពិធីបញ្ចប់ការសាងសង់គ្រោងអគារនៅថ្ងៃទី ១៤ ខែ មករា ឆ្នាំ ២០២២។ អគារ ជីប ម៉ុង ថៅវើ បានបញ្ចប់ការសាងសង់ជាន់ទី ៤៥ ដែលជាជាន់កំពូល ដែលសម្រេចបាន ៦០% នៃសំណង់ទាំងមូល។ ជីប ម៉ុង ថៅវើ ជាអគារពាណិជ្ជកម្មទំនើបចម្រុះដែលមានផ្សារទំនើប ជីប ម៉ុង ម៉ល ធនាគារ ជីប ម៉ុង ចំណតរថយន្ត រោងភាពយន្ត ការិយាល័យធ្វើការ សណ្ឋាគារ Fairfield by Marriott ភ្នំពេញ ភោជនីយដ្ឋានលើដំបូលជាដើមនិងជាពាណិជ្ជកម្មយ៉ាងសម្បូរបែប។ អគារនេះគ្រោងបង្ហាញខ្លួនជាផ្លូវការនៅចុងឆ្នាំ២០២២នេះ ដែលនឹងបង្កើតវត្តមានដ៏ខ្លាំងនៅក្នុងវិស័យពាណិជ្ជកម្ម និងទេសចរណ៍ព្រមទាំងចូលរួមបង្កើនសោភ័ណភាពជាមួយនឹងស្ថាបត្យកម្មដ៏ប្រណីត៕