ជីប មុង លែន បើកសម្ពោធការដ្ឋានសាងសង់គម្រោងថ្មី ផាក លែន ពោធិ៍ចិនតុង 

នៅព្រឹកថ្ងៃទី១១ ខែធ្នូ ឆ្នាំ២០២១ ក្រុមហ៊ុន​ ជីប ម៉ុង លែន បាន​ប្រារព្ធ​​ពិធី​បញ្ចុះ​បឋម​សិលា​​បើកការ​ដ្ឋាន​សាង​សង់​គម្រោង​អភិវឌ្ឍ​លំនៅឋាន​ដ៏ថ្មី​សន្លាង​មួយទៀត​​ក្នុង​​តំបន់​ពោធិ៍​ចិនតុង​​ នោះគឺគម្រោង​ ផាក លែន ពោធិ៍ចិនតុង។

ផាក លែន ពោធិ៍ចិនតុង ស្ថិត​នៅ​​ទីតាំង​ដ៏​ល្អ​បំផុត ចំកណ្ដាល​ទីក្រុង ដែល​មានចរន្តសេដ្ឋកិច្ច និង​ពាណិជ្ជកម្មចម្រុះស្រាប់ ដោយ​ធ្វើ​​ដំណើរ​ត្រឹម​តែ២នាទី​ប៉ុណ្ណោះ​ពី​អាកាសយានដ្ឋានអន្តរជាតិភ្នំពេញ។ គម្រោងនេះ​នឹងជួយ​លើកកម្ពស់មុខមាត់តំបន់​ពោធិ៍ចិនតុង ឲ្យ​កាន់​តែរីក​ចម្រើន​ ទាន់សម័យ និងមានភាពងាយស្រួល​ក្នុងការរស់នៅ ឬ​ប្រកបអាជីវកម្មផ្សេងៗ។

គម្រោង​ ផាក លែន ពោធិ៍ចិនតុង នឹង​មាន​សួន​ឧទ្យាន​ ផាក លែន ពោធិ៍ចិនតុង និង​វិថី​ដែល​មាន​ដើមឈើតូចធំ​ចម្រុះពណ៌​ផ្តល់​ម្លប់​​​ត្រឈៃ ដែល​នាំ​មកនូវបទពិសោធន៍​នៃ​ការរស់​នៅ​ប្រកប​ដោយ​ផាសុកភាពទាំងផ្លូវកាយ និងផ្លូវចិត្ត៕